|
|
 |
 |
 |
 |
سولف حسين البهادلي / واسط سولف عن أمل باجر تكلي كونك إنت بين الناس شاعر يا باجر التقصد منهن إنت وكل يوم اليجيني تكلي باجر إنزل من ظهر مهرتك وارتاح مو ضلع الوطن بين الحوافر إسأل عالطفل واسأل على الشيخ شوف الشعب وين اليوم صاير على كبور النجف مر بالجذب يوم أتشوف امقبطة من عدنه المقابر تكلي الماضي والمستقبل الجاي وأبد لا ماتسولف على الحاضر تدري الدمعة نزعت ثوبها الماي ولبست بالعجل ثوب الخناجر تدري بكاعنة اتشبعت حروبات وكلما تمطر اتخضر سواتر تذكر من ايجيت شكلت للناس سننجز هكذا انتظرونا باجر وألف باجر إجانة وشفت الإنجاز قطع سود بشوارعنا وجوادر الإحتل الوطن صح خلص الناس من حكم اليقودة وحش كاسر ونعم من القفص هد العصافير بس ذب سم على كل البيادر من دم شعبك وبارود الإرصاص نصب ميزة وكعد بيهن يكاسر لتكلي الصبر يفتح ألف باب من يوم الولادة وآنة صابر يمر صيف ونفكر بالشته الجاي لأن ندري النفط بالشته نادر يمر الشته ونكضيهه صفنات لأن صيف اليجينة هواي فاير احتارينة بعمرنة شلون نكضيه يوم بختلة والثاني بمظاهر وكبل تسعة اربعة تعرف كضينا بنعم سيدي نفذنة الأوامر ليش احنة شعب ما يوم يرتاح ومكان الراحة يبقه اليمته شاغر
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
