القصيدة

صديق الأمس

سميه الهادي

som_alhadi@yahoo.com

وصاني عليك أبوي

قالي ..

صديق الأمس .. وينه اليوم ؟!

قالي ..

صديقك .. دنيتك .. وعدك

أشوف الدنيا نستكم

صحبة عمركم كله

وصرت اليوم في حالك

وهو في دنيته شارد

يعز عليه يتأسف ..

ويتحسف على قلبك ..

وينه ؟؟ قلبك الطيب

غابت دمعة عيونه

***

وشلون .. يا أبوي يا طيب

ترى قلبي وفي وطيب

ودمع عيونه مايوقف

وهذه الدنيا خوانة

وطبعي وافي وحبيِّب

وتدري ..

تخاوينا سنين وسنين

ويوم الدنيا إخذتنا

وعزتنا وكرامتنا

نستنا ليالينا

ووعد بعقوده أمضينا

***

يا أبوي ترى مو طبعي النسيان

ولا الخصام والهجران

أنا وافي الطبع وصدوق

والعشرة علي ماتهون

بس يا أبوي

وين اللي يقدرها

ويعرف وش لها وحقها

وعزة نفسي أدفع له

بقايا هالهوى فيني

عساه يداوي طعناتي

ويوقف ونة جراحي

***

يا أبوي

عسا الله يوسعه صدرك

ويملي رزقك بقلبك

ويجزي لك وفا طبعك

على الله يوم يجمعنا

في جنة خلد تجمعنا

مع الهادي.. مع العالي

حبيبي المصطفى محمد

وزهرا نورها زاهي

مع الحسنين

ووالدهم علي العالي

***

 

Google


 في بنت الرافدينفي الويب

 
 
 
 
 
 
 
 
 
 
 
 
 
 
 
 
 
 
 

© حقوق الطبع و النشر محفوظة لموقع بنت الرافدين
Copyright © 2000 bentalrafedain web site. All rights reserved.
 info@bentalrafedain.com