|
|
 |
 |
 |
 |
أجه العيد غفار العراقي أجه العيد وما اجيتي وخلّص وهم ما اجيتي رحتي خليتيني هايم والسهر بعيوني دايم وابد بيّه ما دريتي واجه العيد وما اجيتي .... كلبي بفراكج تفطّر والفكر بعدج تدمّر والجبد أنت فريتي واجه العيد وما اجيتي .... عيوني صارت ما تشوف والدمع غطّى الجفوف لمّن بليلة سريتـي واجه العيد وما اجيتي .... ردّي كولي شبدا مني وبعّدج يا روحي عني ولكلامج غيريتي واجه العيد وما اجيتي .... كولي منهو الزعلاج غيراج وبدلاج بلحظة عني تحوليتـي واجه العيد وما اجيتي .... عودي ليّه وابد ما زعّل عيونج وانذر عيوني فده تحرس جفونج عودي مو ضيّعت بفراكج هويتي واجه العيد وما اجيتي .... عيّدت خلك الله كلها وآنه لوعة وآه عيديتي وهديتي
|
|
| ||||||||||||||||||||||||||||||||||||||||||||||||||||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | ||||||||||||||||||||||||||||||||||||||||||||||||||||||||||
