ورطه
حسين الفنهراوي
(أفضل الحسنات في هذا
الزمن الديمقراطي إنك
تستـطيع أن تتكـلم بحرية
وبإمكانك إنتقاد أي مسؤول
على عكس ماكان بأنك لا
تستطيع أن تعبر عما يجول
في خاطرك .. وأسوأ
السيئات في هذا الزمن
الديمقراطي بأن كلامك
(يطب منا يطلع منا))!!!!.
راح أحتفظ بيهه وما أكول
أرقام
أخــــاف أحجيلكم وتصيبكم
هبـــــــطه
وما أحجي عالبوك وأذكر
الفرهود
أخــــاف أحجي البكلبي
وأوكع بورطه
ناس تحوسم وعدهه اللّغف
مشروع
لأن سبحه بديهم
صــــــــــارت السلطه
ولأن يحموهه ساسه وقاعدة
ودستور
وما تكـــــــدر حرامي
تحاسبه الشرطه
فد مرّه مقاول ربح بس
مليار
إنقهر حيل إعله روحه
وإنضرب جلطه
والغش جان نزوه وجان شي
محدود
أخـــبرك صـــار أساس
وحايط وخبطه
إنتهت شغلة صفر والواحد
وأرقام
والتزوير أصبح
هــــــــسّه بالنــــقطه
إذا زنكين تكدر تشتري
القانون
وبكــــــيفك علــــيه
لشرطك إتشرطه
وإذا إنته مقاول توب
والعباس
ياهو اللـــي إبالك
تكـــــــــــدر تحنطه
والماله نفوذ وعرف يم
مسؤول
خل يــــحذر يفـــــّكر
يرتكـــــب غلطه
لأن قانون عدنه عالــفقير
إســــتاد
ولللأســـتاذ هـــالقانون
يتمــــــــطّه
صح هذا الوكت أفضل من
اللي جـــان
بــــس صعبه الوطن
مانرتوي بشطه
مو عــــدنه وطن ما
تشبـــهه الأوطان
بتـاريخه وعــــلومه
ودينه ونفطه
أسف بي ناس طكّت روحهه من
العوز
وماعــــــدهه لحــــــاف
البيه تتغطه
وآنه أعرف كلامي يزعّل
ومكروه
ويجوز أنخطف هـــسه
وأنكتل سنطه
ويجوز أنحبس والتهمه طول
لسان
كاتــب شعر شعبي
يتـــــهم السلطه
ويجوز يردني واحد كلبه
ماملجوم
ومن حقه الـيمعمع عنزه
جوّه إبطه
كلنه إنتهت ذيج وبالأجن
نرتاح
أشو كلمن أصحابه وجمعته
ورهطه
ناس أنطت العدهه وماخذت
قيراط
وواحد إخذ كلشي وكلشي
مــا أنطه
ياهو اللي تلزمه يكولك
مسؤول
وحراس وخـــدم إتشيلّه
الـــــجنطه
سد السير وأنعل أبو اللي
يجتاز
مانعــرف شبيهه ؟ إمظلّله
البطه
وما نعرف حماهه من الرجل
والله
ياهو اللـي تلـــزمه يكول
آنه أسطه
كبل جان الوطن غركان بس
إرهاب
إجه الــــــنوب الفساد
وجمّل الغطّه
إذا واحد يعمّر ميّه
اليهدمون
ونــمشي وخطه ماكو وتاهت
الخطّه
شتعدل ؟ لون مالت لا تكول
شلون
الأعــوج يبقه أعـــوج
وين متحطّه!!
