بالعامية .. وشششششششششش

غفار عفراوي

دقت النغمة...رننننننننن

-: الو

-: السلام عليكم

-: عليكم السلام

-: شلونك عمي

-:اهلا عمي شلونكم

وشششششششششش

-: العفو عمي انكطعت الشبكة

-: لا عادي ماكو اشكال

-: عمي علمود الموضوع اللي وصيتك عليه الصبح

-: يا موضوع ذكرني

وشششششششششششش

-: الو عمي هم انكطعت الشبكة

-: عادي ولا يهمك

-: عمي علمود الدوه اللي وصيتك تجيبه من الصيدلية لوالدك

-: هااا أي صار تتدلل.. هو شسمه الدوه

وششششششششششششش

-: الو عمي هاي الشبكة اليوم تبن حشاك

-:هي بس اليوم يا عمي والله ابتلينه بيها

-: انت مو صحفي ما تكتب عليها

-: عمي منو اللي يقره ومنو اللي يجاوب ومنو اللي يحاسب

-: بس ميصير هيج ماخذين فلوسنه بدون خدمة

وشششششششششششششش

-: الو ... عادي عمي عوفنه من الصحافة وكلي الدوه شسمه

-: عمي هن نوعين واحد كبسول والثاني ابر

-: انطيني اسمائهن

وششششششششششش

-: الكبسول اسمه والع تللؤتم والابر اللعثققؤب

-: شنو عمي ما افتهمت

-:اليبغؤلانناليي

-: عمي ما جاي افهم صوتك يكطّع

-:الو

-: الو عمي ماكو داعي اني راح اجيكم للبيت واخذ اسمائهن لان رصيدي خلص

-: تعال منتظرك بس لا تتاخر

وبعد ساعة في الطريق بسبب الزحام الشديد والشوارع المقطوعة ...

دق الباب لكنه سمع اصوات وصيحات وصراخ وعويل...

- عمي شنو اللي صار

- عمي ماكو داعي للدوه انقطعت الكهرباء ووالدك انطاك عمره

=======

وشكرا لشبكة زين العراق وزين الاثير وزين اسيا وزين عراقنا وانا لله وانا اليه راجعون