|
|
 |
 |
 |
 |
صراير حبوبية قديمة
علي طالب الاسدي/ السويد صرة 1 البارحة شطال الوجد لعيونك وليلي الطويل مساهره ولاينجلي يعكد بكيفه ويه طيفك للصباح بخيط روحي الناحل وياه مختلي انت من تكبل واشوفك جاي لينه تصير روحي موش الي وأشتهي مناهت الملكة وبسمة شفافك الحلوة عن زبرجد تنجلي وأشتهي ذبلة عيونك والتبشبش خاف يسمع لو تصنت عاذلي
صرة 2
ياصاح لحظك سهم جَّن اليصيبه وخالْ ووجهك تمام البدر بي رصعتين وخالْ هنيال بالك خلي وكلبك خفيف وخالْ وآنه الاهم كل وكت ناحل ولالي حيلْ منك سكم حالتي وشما ترّدت حيلْ ياللي تريد اللعب أرجوك عني حيلْ مكدر على ملاعبك اترك كليبي وخالْ
صرة 3
زَفرتي ضعفت وصارت بس ونين وصرت مثل الشمع من ناره يموع وانته يالماجارت عليك السنين ولا على خديدك همل فيض الدموع شايلك بعيوني مثل ام وجنين ومن بكايا الحيل ساكفلك دروع اشلون ياجاسي ارضيك وتلين؟ اشلون احطلك كلب ياخالي الضلوع؟
صرة 4
ياعيون الريم يالشفتك تين مستوي وريان عالشفة يموع احنه من غيرك يغالي تايهين انته ناسي لو الك لينا رجوع ودعتنه وكلت اجيكم بعد حين ومر علينا اسبوع واجدد اسبوع احنه لو ندريك غانم غانمين وسالم ومرتاح نشفنا الدموع
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
© حقوق الطبع و النشر محفوظة لموقع بنت الرافدين Copyright © 2000 bentalrafedain web site. All rights reserved. info@bentalrafedain.com | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
