شعر

روميو العراقي

 

لطيف الساعدي

latefalsaadi@hotmail.com

شتريدين
نجيب ويانه
وترتاحين
عنده كلوب
تصير خطوط
عله شارع
من تعبرين

وعنده زهور
تبدي تورد
من تسمع
راح تمرين
شتريدين
اكثر من هذا
وتنحبين
* * *

عدنه حنان
ينبع من دجلة
بس انتي البيه
طوفين
شتريدين اكثر
من هذا
وتحنين
* * *
فقره احنا
بس اكرم ناس
والدينار اليوم بجيبي
وباجر تلكينه مفلسين
قدمنالج هذا العدنه
ومن حقنه نحب
وتحبين
شتريدين اكثر من هذا
وتقتنعين
 

 

Google


 في بنت الرافدينفي الويب


 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

© حقوق الطبع و النشر محفوظة لموقع بنت الرافدين
Copyright © 2000 bentalrafedain web site. All rights reserved.
 info@bentalrafedain.com