********************************

امي الكون كله بفلك جفه  ايدور

وتحت اجدامه انوصفت الجنه

بحر من السعادة ونخله بالبيت

وضحكة صبح عيد وشمس النه

شكد لحظات عمري باكتله اما

ل ولا ضاكت بيوم وزعلتنه

من جنت انه ازعل نهر هي  تصير

وتغرك همومي بروجة حضنه

ومن جنت انه اجوعن كاع اليه 

تصير ومن جدورة كلبه وتصبنه

اعله ورد خدودنه تصبح تحط

تطير فراشة محنه بحديقتنه

سوالفه قميصي ما عتك لليوم

من يوم الي شفته ولبستنه

على تنوره تصلي العاصفير

تكطّع رغيف جفه وتناوشنه

تنام اعله الالم وتتوسد الاهات

واحنه احلى الليالي توسدنه

شكد جانت تكلي خلي بالك زين

وكتك ما هو زين انتبه منه

يا غابة مشاعر ،ياله الكون

هي حفنة تراب اشلون تدفنه

لملمت القوافي والشعر كله وياي

وافتر كل بحر مشدوه اندهنه

وادك باب القصايد والقلم وياي

وما اظن الحروف تجيبلك معنى

اذا خير البشر شهد ليج بهاي

تحت تربان جدمك صار جنه  

نصيحه.. والنصيحه بلا ثمن بسوك ياناس ...

الي تعيش امه وياه بالبيت من يرجع يقبله بحفاوه من الجدم للراس

التوقيع شاب من جنوب القصيدة