عُيون العراقية

ميّّّ

ميها زُلال

طعم العسل واطيب

شَهدَه حَلال

لوضحكت أدمّر

أتفلش جبال

ويله ياويله

الگال أنا رجال

لو صوبته بنظره

ينچتل بالحال

چفوف العراقية

يادوا المعلول

لمستها علويه

أطيب المشلول

واللي گعد فيها

أمراضه كلها أتزول

واللي سكن عشها

صدگوني عمره يطول

منور الحياة والله

هنيال عاشگها

هنياله هنيال

يامسعده الحبها

والگلبه الها مال

نعمة الوفى بالحب

بيها الحمل مامال

نشميه هل خيّا

لو ربت اجيال

صگور وأسود سباع

ابطال ولد ابطال

ولد العراقية

بطبع العراقية

معروفه الخصال

تنصاغ بس الها

تنگال الأمثال

باگت ورد حلوه

رقه وجمال

والعقل زينه

والحسن دلال

عفه وكرامه وشرف

وغيرة رجال