أمنّتك عشك بين الفواد أسنين

كل لحظه أشمّك ويه أنفاسي

 وسرجت الروح أعلى دربك شوك

 يلهج بالموده بيك أحساسي

وخطيتك كحل بين الرمش والعين

 يرجغ من يشوفك جدمي وراسي

 ياأول عشك تتباهه بيه الروح

مابطّل احبك شما صرت قاسي

ياجرحي وفرحتي وذكرياتي بيك

ياصحوي وسكرتي وخمرتي وكاسي

 ياكل العشك ألكاه فايض بيك

 ياكل الحبايب بيك اهلي وكل أعز ناسي

 يانخلي وفراتي ودجله ماي الخير

 ياكاعي العزيزه ومنبتي وساسي

 يازودي وعزوتي وربعي يوم الضيج

 يابرنو فزعتي وصوت ترباسي

 ياحلمي ويقظتي دوم أسولف بيك

 صدك يوم عنك ماجنت ناسي