سدني استراليا

اني ادري بروحي من دونج تموت
بس انه اختاريت اموت روحي
واذا جروحي قررت تشفةوتطيب
والله اذبن نفط فوكَ اجروحـــي
خاف يضعف كَلبي ويحن لهــــواج
وخاف  يخلـــص أكسباير نوحي
واذا ألساني يغلط وكَلج تعـاي
اكَــطع ألســاني وأكَلـج روحي
********
كلــبجت دمعي وصلبته على العيون
خاف دمعة تنخطــف من عيـــــني
وبطلت مثل الجليد وياج اصـــــير
خـــاف بحجـــاياتج تذوبــــيني
ضحكتــج سجـــينة وانه بلاية روح
وخــــاف  أأمن بيج وتذبحــــيني
براسـج ليــمته اظل افتر وادور
كافي من راســــج بعد طلعـــيني
*******
كـافي ما اكَـدر بعد شفاف اصير
وانــسى كل الي جرة بـجرة قلم
واني من كًد ماحمل كلبي سهام
بعد ما عندي كلب عندي سهم
حـيلي يشبه جـان ناطحةالسحاب
وأعلة راسي تالي كل حيلي انهدم
باوعت بعيـــونج لحــالي وشفـت
شبـح غركًَان ابحــر حـيرة وندم

((اني ادري بروحي من دونج تموت

بس انه اختاريت اموت روحي

واذا جروحي قررت تشفة وتطيب

والله اذبن نفط فـــوكََ اجــروحي ))