شعر
هجرت
قصور الصخور لاعيش في جبل النور
الدكتور السيد علاء الجوادي
هجرتُكَ او هجرتُكِ ... هجر من؟؟
في انتظار أي
حاجه
بعد لحظه ما عاديه
الساعات حاجات بتهرب
والحاجات ساعات عاديه
كات عنيها قزاز ملون
اما قلبي كان حليب
كنت لسه في أولي جامعه
كنت باحلم بالحبيب
بس جوايا كسوف
اصل شوف
طول دراستي
في المدارس
كنت قاعد جنب فارس
كان زميلي الواد رؤوف
عمري ما فهمت ان
ممكن بنت تبقي في يوم
زميله
يعني ايه تبقي زميله
سلو بلدي أصله خايف
من الفضايح و الرذيله
جتنا نيله
من عنيها فهمت إني
بان عليا ان فيها شئ
عاجبني
هو فعلا فيها كان
احتمالات الجنان
واختلافها بطبعه بان
لما بدات بالكلام
عن حاجات يمكن عاديه
والحاجات كانت جديده
فالحقيقيه انا قلت هي
وابتدينا نستخبي
لاجل ما امسك ايدها حبه
يابني عيب
ما علينا
اصل لو شفت المحبه
والغرام الي مالينا
كنت قلت ده فيلم مصري
بس لما
بقيت اشوفها
كل يوم
الجنان الي احتواها
ابتدي يبهت معاها
وابتدي يطول الغيوم
كن نقعد وقت ياما
في الجناين والنوادي
لما كنت اسالها مره
عن قمرها
تقولي عادي
كل حاجه تقولي
عادي
قلت يادي النيله يادي
طب ما تيجي نكون زمايل
طب ما تيجي نكون صحاب
قالت عنيها جميل وهايل
ملعون ابوه الاكتئاب
ومن يوميها
لا شفتها
ولا عمري
حسيت بالغياب !!!!
_________________________________________________________
2
بحبك ساعه الفسحه
عشقتك
في زمن مستعجل
مع اني متربي
علي اغاني الست
....................
عشقتك في زمن
عشوائي
و انا لسه
دائي قديم
بيقولوا دقه قديمه
بيحب عبدالحليم
ويموت في ضي السيما
..............................
يوم الخميس عندنا
كان حينا سهران
الجمعه اصله اجازه
والليل
سعيد فرحان
روقان وطبعه الكسل
ايامها شهر العسل
كان شهر ثلاثين يوم
..........................
الفجر صحانا ليالي كتير
وكنا كتير بنستناه
وبنصحيه
وكان في ايديه
هديه دام يخبيها ورا ضهره
نغمض عينا
نلقانا علي مهره
في عز الحلم
...............
انا شابب علي حيلي
لكني باخاف يناديلي
في يوم الفجر
اكون سارح
في عز النوم
عشان بكره
هاقوم واسعي
واقول ان الحياه
واسعه
لكني جوه دايرتها
حاكمني حدود
..............
بحبك
ساعه مش محسوبه
في الدفتر
ولا في ميزان
حياه انسان
ملوش غيرك
بحبك لحظه
السرحان
وانا هيمان
في لون عينك
بحبك ساعه الفسحه
