شعر   

حلمانه
 

محمد المنصور

 

الثامن ُ من آذار ِ ... يومك ِ يا واهبة َ الحياة ِ


حلمانه ... ليلة دخلتي
أوثوب العرس .. أسودْ
مرسوم بيه نجمه وگمر
اُوفوگ الصدر .. معبدْ.
وعند الخصر .. منقوش
چف ومُكْحَله ومرودْ.
اُونگطات دم .. عالذيل
مرشو شه فلا تنعدْ.
على يميني .. شفتْ تابوت
منّه إيد إلي تمتدْ
على يساري .. ضوه شمعه
واصل للسمه وأزودْ.
گدامي ... شفتْ شباچ
صليب إعليه ومبسّمرْ
سندانه .. إنچفت ليغاد
واُمطشر ورد أحمرْ.
معاضد ذهب .. ومحابس
يمها العين تتحيرْ
على التابوت حطوها
ولفوها .. بعلم أصفرْ.
بدله إمزرّفه زرگه ...
ودم بالگاع متخثرْ
وبالحايط .. شفتْ تصوير
شاب إمعدّل وأسمرْ.
ردتْ أصرخ .. فلا أگدر
چنی إبصوتي مخنوگه
گلت أمشي .. وأحسن
بالأرض رجليّ مدگوگه
وأنه بحيرتي وخوفي ...
أنفتح باب .. اُوشفتْ جوگه
يجرون أبشخص مجروح
من دمه .. أنترس ثوبهْ
أظن ... فلاح يا يمه
فقير وحاله مسحوگه
اٌوفزيتْ .. وطلع كابوس
بس الشمعه معلوگه ...!
 

 

Google


 في بنت الرافدينفي الويب


 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 


© حقوق الطبع والنشر محفوظة لموقع بنت الرافدين
Copyright © 2... bentalrafedain web site. All rights reserved.
 info@bentalrafedain.com